Rusiye arbiyleri Hersonda vatandaş maşinasına patlayıcı attı, dep haber ete vilâyetniñ prokuraturası iyülniñ 8-nde.
Uquq qoruyıcılar insan ölümine yol açqan cenk cinayetinen bağlı cinaiy tahqiqat başlattı.
«Saba saat 5:00-lerde Hersonda Rusiye ordusınıñ arbiyleri drondan vatandaş maşinasına patlayıcı attı. Patlav neticesinde içinde olğan 66 yaşında aydavcı can berdi», – dep aytıla haberde.
Yerli akimiyet salı künü saba Hersonda Rusiye atışları neticesinde yaralanğanlar aqqında da bildirdi. Al-azırda yaralanğan 10 kişi aqqında malümat bar.
Rusiye arbiyleri çeşit silâ qullanıp, Ukrayina regionlarına muntazam sürette ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastrukturasına, vatandaş ealisini öldürgenine, hastahaneler, mektepler, bala bağçaları, energetika ve suv teminlevi obyektlerini yoq etkenine red ete.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri dep tanıy ve olarnıñ maqsatlı olğanını qayd ete.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
