Kremlniñ qırımlı reineleriniñ 31 soyu tuvğanlarınıñ apisten çıqqanını köremeyip vefat etti. Bıltır oktâbr ayında vefat etken 27 kişi aqqında haber etilgen edi, dep haber ete Qırımtatar resurs merkezi.
«Soñki adiseler arasında – İvan Yatskinniñ anasınıñ vefatı. Qadın pek hasta edi, amma oğlunı körer ümütinen yaşadı. İvan evinden 4000 kilometr uzaqta tutula, amma onı vedalaşmağa yibermediler. Vefatı aqqında Qırımtatar resurs merkezine soy-sopları haber etti. O, oğlunı qasevetlenip yanıp ketti. Nevbetteki adise – qırımlı siyasiy mabüs Raim Ayvazovnıñ qorantasında facia, erkek qardaşı qaza neticesinde can berdi», – dep aytıla haberde.
Qırımtatar resurs merkezi qayd etkenine köre, bu facialar tesaduf degil – bitmegen kerginlik, stress, maneviy yorğunlıq ve beklev Rusiye mahküm etken qırımlılarnıñ soy-soplarınıñ sağlığını boza.
«Repressiv maşina ögünde adaletsizlik, devamlı küreş, taqatsızlıq ve bitmegen beklev sebebinden siyasiy mabüslerniñ tuvğaları ümütlerini coya, dayanamay, öleler», – dep yaza Qırımtatar resurs merkezi.
«KrımSOS» aq qorçalayıcı teşkilâtı 2024 senesi Qırımda eñ az 56 qırımlı Rusiye akimiyeti tarafından taqipke oğradı, dep bildirgen edi. Rusiye uquq qoruyıcıları yarımadada 45 qanunsız tintüv keçirdi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.