Qırımda iyülniñ 7-ne qadar Rusiye ordusını «itibardan tüşürüv» memuriy maddesine köre eñ az 1435 protokolnıñ tizilgeni qayd etildi. Bu malümatnı Ukrayina prezidentiniñ Qırım Muhtar Cumhuriyetindeki temsilciligi bere.
«1236 davada para cezası ya da davalarnıñ diger qararlarnen birleştirilüv qararları çıqarıldı. 95 davanıñ tahqiqatı daa devam ete. Qararlarnıñ 49%-ında (607) qadınlar aqqında kete, 51% (628) – erkekler aqqında», – dep aytıla haberde.
İyünniñ başında haber etilgenine köre, Qırımda Rusiye ordusını «itibardan tüşürüv» maddesine istinaden 1382 dava qayd etildi.
Avropa insan aqları mahkemesi Rusiyeni söz serbestligini muntazam sürette bastırğanında ve Ukrayinağa qarşı cenkni tenqit etüv içün taqiplerde qabaatladı. Avropa mahkemesi Qırımda Rusiye mahkemeleriniñ bütün «ükümleri» qanunsız ola, dep qayd etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.