İşğal etilgen Qırımda Meclis öz binasında Ukrayina bayrağını sekiz ay saqlap oldı (video)

Riza Şevkiyev – Qırımtatar Milliy Meclis azası. 2014 senesi Ukrayina bayrağını Meclis binasında saqlamağa yardım etkenlerden biri edi. Toqtamağa provokatsiyalarğa baqmadan, sarı-mavı bayraq işğal etilgen Qırımda 8 ay devamında öz yerinde qaldı. Şevkiyev tutuluv telükesi sebebinden Qırımnı terk etmege mecbur oldı. O vaqıttan berli evine qaytamadı ve ana-babasınıñ cenazelerine kelip olamadı. Rusiyeniñ areketlerinden zarar körgen qorantanıñ üç nesli ve Qırımğa qaytuv oğrunda küreş aqqında – Qırım.Aqiqatnıñ levhasında.